സോഷ്യൽ മീഡിയ പ്ലാറ്റ്‌ഫോമുകളിൽ രജിസ്റ്റർ ചെയ്യാത്ത നിക്ഷേപ ഉപദേഷ്ടാക്കൾ

നിങ്ങൾ പിന്തുടരുന്നതിന് മുമ്പ് ചിന്തിക്കുക!

സോഷ്യൽ മീഡിയ പ്ലാറ്റ്‌ഫോമുകളിൽ രജിസ്റ്റർ ചെയ്യാത്ത നിക്ഷേപ ഉപദേഷ്ടാക്കളിൽ നിന്ന് ഉപദേശം എടുക്കുന്നതിന്‍റെ മറഞ്ഞിരിക്കുന്ന റിസ്കുകൾ

സ്ക്രോൾ ചെയ്യുക. ഇഷ്ടപ്പെടുക. ഷെയർ ചെയ്യുക. നിക്ഷേപിക്കണോ?
ഇന്നത്തെ സോഷ്യൽ മീഡിയ യുഗത്തിൽ, സാമ്പത്തിക ഉപദേശം എക്കാലത്തേക്കാളും എളുപ്പത്തിൽ ലഭ്യമാണ്.
പുഞ്ചിരിക്കുന്ന ഇൻസ്റ്റാഗ്രാമർ അവകാശപ്പെടുന്നു, "പ്രതിമാസം ₹ 5,000 നിക്ഷേപിച്ച് ഒരു കോടിപതി ആകുക."
ഒരു യൂട്യൂബ് വീഡിയോ ആറ് മാസത്തിനുള്ളിൽ റിട്ടേൺസ് ഉറപ്പ് നൽകുന്നു.
ഒരു ട്വീറ്റ് "അടുത്ത വലിയ സ്റ്റോക്ക്" പ്രഖ്യാപിക്കും

ആകർഷകമായി തോന്നുന്നു, അല്ലേ? എന്നാൽ ഇതാ ഒരു കാര്യം:

ഫിൻഫ്ലുവൻസർമാരെന്ന് വിളിക്കപ്പെടുന്ന ഇവരിൽ പലരും യോഗ്യതയുള്ള പ്രൊഫഷണലുകളല്ല. ചിലർ രജിസ്റ്റർ ചെയ്ത ഗവേഷണ അനലിസ്റ്റുകളോ നിക്ഷേപ ഉപദേഷ്ടാക്കളോ ആയിരിക്കാമെങ്കിലും, കൂടുതൽ പേരും രജിസ്റ്റർ ചെയ്യാത്തവരാണ് - അവരുടെ ഉപദേശം അനുസരിച്ച് പ്രവർത്തിക്കുന്നത് നിങ്ങൾക്ക് നഷ്ടമുണ്ടാക്കിയേക്കാം.

2025 മാർച്ചിലെ ഒരു റിപ്പോർട്ട് (സിഎഫ്എ ഇൻസ്റ്റിറ്റ്യൂട്ട്) വെളിപ്പെടുത്തുന്നത്, സോഷ്യൽ മീഡിയയാൽ സ്വാധീനിക്കപ്പെട്ട 82% നിക്ഷേപകരും ഫിൻഫ്ലുവൻസർ ഉപദേശം അനുസരിച്ചാണ് പ്രവർത്തിച്ചിട്ടുള്ളത് എന്നാണ്. ഈ ഇൻഫ്ലുവൻസർമാരിൽ 2% പേർ മാത്രമേ സെബിയിൽ രജിസ്റ്റർ ചെയ്തിട്ടുള്ളൂ, എന്നിരുന്നാലും 33% പേർ നേരിട്ടുള്ള സ്റ്റോക്ക് ശുപാർശകൾ നൽകുന്നുണ്ടെങ്കിലും - ഇത് നിയന്ത്രണ മേൽനോട്ടത്തെക്കുറിച്ച് ഗുരുതരമായ ആശങ്കകൾ ഉയർത്തുന്നു. അതിലും മോശമായിട്ടുള്ള കാര്യം, 8% നിക്ഷേപകർ - 40 വയസ്സിനു മുകളിലുള്ളവരിൽ 14% ആയി വർദ്ധിച്ചു - വഴിതെറ്റിക്കപ്പെടുകയോ വഞ്ചിക്കപ്പെടുകയോ ചെയ്തതായി റിപ്പോർട്ട് ചെയ്യപ്പെട്ടു.

ഫിൻഫ്ലുവൻസർമാർ തീരുമാനങ്ങളെ സ്വാധീനിക്കുന്നുണ്ടോ എന്നതല്ല ചോദ്യം - അവർക്ക് അങ്ങനെ ചെയ്യാൻ യോഗ്യതയും ഉത്തരവാദിത്തവുമുണ്ടോ എന്നതാണ്.

ആരാണ് ഈ 'ഫിൻഫ്ലുവൻസർ'?

അവർ സ്റ്റോക്കുകൾ, മ്യൂച്വൽ ഫണ്ടുകൾ, ക്രിപ്റ്റോ, ഐപിഒകൾ, ട്രേഡിംഗ് എന്നിവയെക്കുറിച്ച് സംസാരിക്കുന്ന കണ്ടന്‍റ് ക്രിയേറ്റർമാരാണ്. അവരുടെ പോസ്റ്റുകൾ നിക്ഷേപം ലളിതവും രസകരവുമാക്കുന്നു - മാത്രമല്ല അവ പലപ്പോഴും വൻതോതിൽ ഫോളോവേഴ്‌സിനെ ആകർഷിക്കുകയും ചെയ്യുന്നു.

ചിലർ യഥാർത്ഥത്തിൽ വിദ്യാഭ്യാസം നൽകാൻ ലക്ഷ്യമിടുമ്പോൾ, നിക്ഷേപ ഉപദേശം നൽകുന്നതിന് പലർക്കും യോഗ്യതകളോ ലൈസൻസുകളോ ഇല്ല.
ചിലർ പണത്തിനു പകരമായിട്ട് ഫൈനാൻഷ്യൽ ഉൽപ്പന്നങ്ങൾ പ്രോത്സാഹിപ്പിക്കുന്നു - അവരുടെ അഫിലിയേഷനുകൾ വെളിപ്പെടുത്താതെ. മറ്റുള്ളവർ നേരിട്ടുള്ള മെസേജ് വഴി "പേഴ്സണൽ ടിപ്സ്" നൽകുന്നു.

റിസ്കുകൾ തിരിച്ചറിയുമ്പോൾ, സെബി 2023 ൽ ഒരു കൺസൾട്ടേഷൻ പേപ്പർ പുറത്തിറക്കി
(https://www.sebi.gov.in/reports-and-statistics/reports/aug-2023/consultation-paper-on-association-of-sebi-registered-intermediaries-regulated-entities-with-unregistered-entities-including-finfluencers-_75932.html)രജിസ്റ്റർ ചെയ്യാത്ത ഇൻഫ്ലുവൻസേർസിന് എതിരെ കർശന നടപടി സ്വീകരിച്ചു. സെബി നിയന്ത്രിത സ്ഥാപനങ്ങളെ അവരുമായി സഹകരിക്കുന്നതിൽ നിന്നും ഇത് വിലക്കി.

എന്താണ് സെബി പറയുന്നത്

സെബി ഇത് വ്യക്തമാക്കി:

രജിസ്റ്റർ ചെയ്ത ഇടനിലക്കാർക്ക് മാത്രമേ നിക്ഷേപ ഉപദേശം നൽകാൻ കഴിയൂ.

സെബി നിയമങ്ങൾ അനുസരിച്ച്:

• രജിസ്റ്റർ ചെയ്ത അഡ്വൈസർമാർ കർശനമായ യോഗ്യതയും സർട്ടിഫിക്കേഷൻ മാനദണ്ഡങ്ങളും പാലിക്കണം.

• അവർ താൽപ്പര്യ വൈരുദ്ധ്യങ്ങൾ വെളിപ്പെടുത്തണം.

• അവർക്ക് റിട്ടേൺസ് ഉറപ്പ് നൽകാൻ കഴിയില്ല.

• നിങ്ങൾക്ക് ഒരു അഡ്വൈസറുടെ ക്രെഡൻഷ്യലുകൾ ഇവിടെ വെരിഫൈ ചെയ്യാം:
  👉 സെബി രജിസ്റ്റർ ചെയ്ത പട്ടിക

രജിസ്റ്റർ ചെയ്യാത്ത ഇൻഫ്ലുവൻസേർസിനെ ഫോളോ ചെയ്യുന്നതിന്‍റെ യഥാർത്ഥ റിസ്കുകൾ

• പമ്പ്-ആൻഡ്-ഡംപ് സ്കീമുകൾ: അവ സംശയാസ്പദമായ സ്റ്റോക്കുകളെ പ്രോത്സാഹിപ്പിക്കുകയും വില ഉയർത്തുകയും പിന്നീട് ലാഭത്തിൽ വിൽക്കുകയും ചെയ്യുന്നു - ഇത് നിങ്ങളെ നഷ്ടത്തിലേക്ക് തള്ളിവിടുന്നു.

• വെളിപ്പെടുത്താത്ത പ്രമോഷനുകൾ: അവർ അംഗീകരിക്കുന്ന ഉൽപ്പന്നങ്ങളോ ആപ്പുകളോ വെളിപ്പെടുത്താത്ത പെയ്ഡ് പാർട്ട്ണർഷിപ്പുകളായിരിക്കാം.

• മൂലധന നഷ്ടം: മോശം ഉപദേശം = മോശം തീരുമാനങ്ങൾ = യഥാർത്ഥ സാമ്പത്തിക നാശനഷ്ടം.

• ഉത്തരവാദിത്തം ഇല്ല: അവരുടെ "ടിപ്സ്" പരാജയപ്പെട്ടാൽ, നിങ്ങൾക്ക് ഔപചാരിക സഹായം ഇല്ല.

ഓർമ്മിക്കുക: വൈറലാകുന്നത് യോഗ്യത നേടുന്നതിന് തുല്യമല്ല.

സ്വയം എങ്ങനെ പരിരക്ഷിക്കാം

1. ഇഷ്ടങ്ങൾ അല്ലെങ്കിൽ ഫോളോവേർസ് പരിഗണിക്കാതെ സോഷ്യൽ മീഡിയ ഉപദേശത്തിൽ അന്ധമായി പ്രവർത്തിക്കരുത്.

2. ഫൈനാൻഷ്യൽ നുറുങ്ങുകൾ വിശ്വസിക്കുന്നതിന് മുമ്പ് വ്യക്തി സെബി-രജിസ്റ്റർ ചെയ്തതാണോ എന്ന് എപ്പോഴും വെരിഫൈ ചെയ്യുക.

3. വെരിഫൈ ചെയ്യാത്ത ഇൻഫ്ലുവൻസർമാർ പ്രമോട്ട് ചെയ്യുന്ന പ്ലാറ്റ്‌ഫോമുകൾ അല്ലെങ്കിൽ ആപ്പുകൾ ഒഴിവാക്കുക-പ്രത്യേകിച്ച് വേഗത്തിലുള്ള നേട്ടങ്ങൾ വാഗ്ദാനം ചെയ്യുന്നവ.

4. ഒരിക്കലും സോഷ്യൽ പ്ലാറ്റ്‌ഫോമുകളിൽ പേഴ്സണൽ ഫൈനാൻഷ്യൽ വിവരങ്ങൾ (പാൻ, വരുമാനം അല്ലെങ്കിൽ ലക്ഷ്യങ്ങൾ പോലുള്ളവ) ഷെയർ ചെയ്യരുത്.

5. സെബിയിലേക്കോ cybercrime.gov.in വഴി തെറ്റിദ്ധരിപ്പിക്കുന്ന ഉള്ളടക്കം റിപ്പോർട്ട് ചെയ്യുക.

ചുരുക്കി പറഞ്ഞാൽ: ലൈക്കുകൾ വാങ്ങാം. എന്നാൽ വിശ്വാസം അസാധ്യമാണ്.

നിങ്ങളുടെ സാമ്പത്തിക ഭാവിക്ക് അറിവും ഉത്തരവാദിത്തവും അടിസ്ഥാനമാക്കിയുള്ള ഉപദേശമാണ് വേണ്ടത്, വൈറൽ ആയിട്ടുള്ളതല്ല.

സെബിയിൽ രജിസ്റ്റർ ചെയ്ത അഡ്വൈസർമാർ പരിശീലനം ലഭിച്ചവരും മാർഗനിർദേശങ്ങൾക്ക് കീഴൽ പ്രവർത്തിക്കുന്നവരും ഉത്തരവാദിത്തമുള്ളവരുമാണ്. സോഷ്യൽ മീഡിയയിലെ ജനപ്രീതിക്ക് പകരം വയ്ക്കാൻ കഴിയുന്ന ഒന്നല്ല അത്.

അതുകൊണ്ട് നിങ്ങൾ പിന്തുടരുകയോ നിക്ഷേപിക്കുകയോ പ്രവർത്തിക്കുകയോ ചെയ്യുന്നതിനുമുമ്പ്-
നിര്‍ത്തുക. പരിശോധിക്കുക. വെരിഫൈ.
ഒരു ആത്മനിർഭർ ഇൻവെസ്റ്റർ ആകുക.